Петар Печков
Објавено: четврток, 15 јануари 2026
Двомесечно бебе почина во кавадаречката болница вчеравечер, среда. Доенчето У.М. со место на живеење во Кавдарци, било примено на Одделот за педијатрија во Општа болница Кавадрци на 12 јануари година, поради обилно повраќање по хранењето.
„Во текот на деновите кога е тука на нашиот оддел детето е со уредни параметри и уредни лаб.анализи без повраќање. На 14 јануари година, по итен повик од мајката поради тоа што бебето престанало да дише, веднаш бил повикан дежурен педијатар, а во истиот момент и анестезиолог. Започната е реанимација со соодветна терапија која траела околу 35 минути, но за жал без успех“ кажа директорката на кавдаречка болница д-р Гордана Камчева.
По констатирањето на смртта, согласно законските процедури, известени биле надлежните служби – Министерството за внатрешни работи и Јавното обвинителство. Земени бил изјави од родителите и од дежурниот медицински персонал. Со информација за смртта на бебето и од велешката полиција.
„На 14.01.2026 во ОВР Кавадарци е пријавено дека околу 21:35 часот на детското одделение во Општа болница Кавадарци починало бебе на возраст од два месеци. Според пријавеното, бебето било хоспитализирано на 12.01.2026, но и покрај пружената медицинска помош и направена реанимација починало. Лекар констатирал смрт“ – соопшти Ана Милевска Ѓорѓиева, портпарол ан СВР Велес.
Телото на бебето по налог на јавен обвинител од Кавадарци е дадено на обдукција, која треба да ги открие причините за смртта.
