Петар Печков
Објавено: петок, 11 април 2025
Hа неколку локации во Велес од страна на Отсекот за превенција при СВР Велес беше реализирана сообраќајна превентивно - едукативна активност под мотото „Не заборавајте сите сме пешаци, бидете одговорни во сообраќајот“.
„Главен акцент беше ставен на пешаците како учесници во сообраќајот, кои, исто така, имаат обврска да ги почитуваат сообраќајните правила и прописи, за да се зголеми како нивната така и безбедноста на сите останати учесници во сообраќајот“- соопштија од МВР.
На граѓаните им биле поделени печатени едукативни материјали со препораки за безбедно учество во сообраќајот како пешаци и зголемена будност и внимателност при преминувањето на улица, изработени од Републичкиот совет за безбедност на сообраќајот на патиштата.
„Целта на оваа превентивно – едукативна активност беше да се влијае на зголемување на нивото на сообраќајната култура, укажување на клучните фактори за безбедноста на најранливата категорија на учесници во сообраќајот-пешаците и особено повозрасните лица, но и зајакнување на довербата и соработката меѓу полицијата и граѓаните“- додаваат од МВР.
