Петар Печков
Објавено: вторник, 30 септември 2025
Tри седмици сообраќајот низ Велес се одвива со потешкотии, во термините кога минуваат возовите по пругата низ центарот. Спуштените железнички безбедносни рампи, на четирите премини кога се спуштени, создаваат колони возила. Често тие достигнуваат и до Пошта или Офицерски.
Причината е што возовите возат со намалена брзин, имаше и слуачи кога велешани сигнализираа дека возот бил расипан па стоел на отворена пруга.
За жал ниту по три работни дена, од МЖ Инфраструктура, не даваат одговор на поставеното прашање, што се случува со железничкиот сообраќај низ Велес.
Железничарите знаат да кажат, се краде инсталацијата, но период од три седмици е предолог за да се промени. Затоа пак може да се види дека вработени во МЖ работат на контролната куќарка, кај мостот Гемиџии. И тоа една седмица.
За тоа време двата патни премини, кои се на регионален пат, на Нов мост и на Стар мост, кои со долго спуштените рампи, создаваат редици од возила. Тука се и два локални премини, кон Дворови, каде исто така има застој во сообраќајот.
