По реакција на родители на деца кои треба да се запишат прво одделение а потребна е и потврда од офтамолог а него го нема во ЈЗУ Општа болница Велес и реакции на кандидати за полагање за возач, бидејќи нема соодветна лекарска комисијан која не е  целосна без очен лекар, ТрМр се обрати до оваа здравствена институција со  прашањето е кога ќе започне со работа очен лекар?

„Врз основа на Вашето барање за достава на информација за започнување со работа на очен лекар во нашата установа, Ве известуваме за следното: Спогодбата за соработка со очен доктор е потпишана и ке се започне со работа наредната недела“ – информираа од ЈЗУ Општа болница Велес.
 
Од 23 април нема очен лекар а  потребно е да се изврши офтамолошки преглед на сите деца кои од есен ќе започнат да посетуваат настава во прво одделение. Станува збор за 630 деца на пет годишна возраст од велешко, Велес , Градско и Чашка. Тие треба да се прегледаат до 30 мај, кога истекува рокот за поднесување пријава за упис, за што е потребен документ и од овој лекар специјалист.

Три седмици не работела и комисијата за издвање на лекарско за полагање на возачки испит, во недостаток на офтамолог, па реагираа и бројни, пред се матуранти кои имаат желба да го полагаат возачкиот испит.

Поврзани »