Петар Печков
Објавено: недела, 08 август 2021
Новата сезона од фудбалското првенство 2021/22 велешките фудбалери ја започнаа со пораз. Загубија на стартот на арената Тоше Проевски во Скопје од ФК Работнички со 1:0.
Голот домашните го постигнаа преку Ристевски во 31 минута, по нафрлена топка од скратен корнер, а одбраната на велешани не реагираше, и домашниот фудбалер во налет, ја смести топката во мрежата на велешани.
Во следното коло, в недела на Градски во Велес гостува новиот прволигаш ФК Тиквеш од Кавадарци, кој во првото коло одигра нерешено дома, со шампионот ФК Шкендија.
