Повеќе од 500 оброци беа поделени на случајни минувачи, денес  сабота од Стојан Илчевски и другарите. Тој годинава го фати крстот на Водици и 40 дена co другарите ги посетуваа домовите на велешани носејќи го чесниот и животворен крст.

Оваа негова иницијатива беше  помогната од  неговиот брат Оливер и другарите Тодор и Виктор Колодезни, Мартин Ѓеорѓиевски и Димитар Петров. Одлучија дел од собраните средства да ги донираат за бесплатен оброк за сограѓаните.

„Обезбедивме 550 оброци, посен ручек, плус лепче и сок. Порциите ги делиме од дворот на црквата Св. Кирил и Методиј. Ручекот е за сите велешани без оглед на вера, религија, нација. Но и да и поттикнеме посебно кај младите да се организираат вакви акции за празниците. За некого ова е малку за друг тоа многу значи“ – рече Стојан.

Дел од бесплатниот ручек беше дистрибуиран и поделен на возрасни сограѓани кои живеат сами или за немоќни и болни сограѓани. 

Тој го сподели искуството како минал измиантите 40 дена при посетите на велешани. Сите без исклучок се израдувале, наишле на отворени врати без оглед на вера и нација . Имало домаќини каде со години не дошле  лицата кои го фатиле крстот на Водици. 

дел од фотографиите Повардарска епархија МПЦ -ОА

Поврзани »