Во саботата на 8 август три годишно девојче е каснато од змија, додека седело на балконот од семејниот дом во селото Мелница.  Информацијата ја потврдија од велешка болница. Детето било итно пренесено во оваа здравствена институција,  од каде било префрлено на  Детска клиника во Скопје. 

„Девојчето на 3 годишна возраст е донесено од нејзините родители на 8 август  во пладневните часови на Инфективно одделение каде е даден податок дека детето дошло во контакт со змија која го каснала на третиот прст од десната шака. Според родителите кои ја фотографирале се работело за отровна змија. Девојчето било стабилно, без никакви тегоби но во консултација со педијатар и комуникација со Детска клиника Скопје, детето било трансферирано таму со наше возило и медицинска придружба каде е задржано за да се следи состојбата“ – соопшти д-р Анамарија Џунџева, портпаролка на ЈЗУ Општа болница Велес.

Поврзани »