Вчеравечер, четврток, било  пријавено лице  откако е забалежано како пали сува трева, во околината на Горно Оризари. Пожарот бил локализиран,  лицето уапсено од полицијата. Деталите од информацијата на СВР Велес.

„На 21.08.2025 во 20:20 часот во  Горно Оризари, велешко, полициски службеници од СВР Велес го лишиле од слобода Е.Л.(46 год) од селото, постапувајќи по претходна пријава дека во селото со запалка запалил сува трева на отворен простор, по што настанал пожар. Пожарот бил изгаснат од екипа на Територијалната противпожарна единица Велес, а повредени лица нема“ – соопшти Биљана Ѓаковска, портпарол на СВР Велес.

Осомничениот бил приведен во полициска станица, известен бил јавен обвинител и по целосно документирање на настанот ќе биде поднесена соодветна пријава.

Поврзани »