Петар Печков
Објавено: недела, 13 април 2025
Младиот велешанец Ангел Петрушев е победник на годиншното издание на меѓународниот ИКАС (Илинденски кајак слалом) куп во кајка слалом на диви води, кој се одржа на патеката Матка. Петрушев денес, недела попладне имаше најдобро време во финалето помеѓу 10 финалисти. Втор е Канаѓанецот Пери со заостаток од 1,41 секунда а трет беше Србинот Ѓорѓевиќ со 1,72 секунди послабо време. Четврт е Словенцот Винковиќ со +5,38 а петти велешанецот Стефан Рибарски со + 5,91. Во финалето веслаа и кајакари од Хрватска и Турција.
Денешната трка, финалето се бодуваше за бодови за учество во трките на Светскиот куп следната година, што е новина во натпреврите на Светската кајак федерација. Тоа предизвика на ИКАС купот да учествуваат кајакари од 10 држави и повеќе од 100 учесници.
Петрушев прв пат ИКАС го освои 2019, потоа три пати по ред 2022, 2023, 2024 и годинава по петти пат.
