Петар Печков
Објавено: сабота, 15 април 2023
Младиот велешанец Александар Пановски го освои првото место на државниот натпревар „Инструментите на моите предци“ на хармоника, кој се одржа во Скопје, во организација на Детскиот културен центар „Карпош“.
Александар има 16 години и се натпреваруваше во оваа возрасна категорија, каде имало 15 учесници. Ова е второ учество на Александар, лани биле исто така прв , кога освоил 97 поени, годинава 96. На годинешниот натпревар учествуваа вкупно 90 натпреварувачи. Секој од нив настапи со по две изведби, од кој едната можете да ја проследите во ова видео.
Александар учи во школото за хармоника кај Војче Петрушевски, каде се негува и учи стилот на музицирање на сега покојниот маестро Милан Завков.
Иако негова голема љубов е хармоника, тој учи контрабас , како прв инструмент во средното музичко училиште Сергеј Михалов во Штип, каде е втора година.
