Во рамките на „Неделата за грижа на стари лица“, Општинската организација на Црвен крст Велес  реализираше акција на  бесплатни превентивни лекарски прегледи,  наменети за повозрасната категорија  сограѓани. 

„Тим составен од лекар и волонтери од клубот на млади вршеше мерење на шеќер во крвта и крвен притисок, придружено со корисни совети за превенција и грижа за здравјето.

Прегледите се реализираа во просториите на Здружението на пензионери во Велес, кои обезбедија поддршка и навремено информирање на членовите“ – соопштија од велешки Црвен крст.

Дополнително, волонтерите ги посетија и дел од пензионерите станари во Пензионерскиот дом., подарувајќи им сокови и време за разговор – мал гест што носи големо значење во поттикнувањето на солидарноста и грижата кон највозрасните членови на заедницата.
 
Фото:  Општинската организација на Црвен крст Велес  

Поврзани »