Петар Печков
Објавено: среда, 07 мај 2025
Велешката Гимназија, најстарото средно училиште во земјава, ги отвори вратите за идните, потенцијални ученици во прва година. Завршните основци, деветто одделенците од сите основни училишта во Велес, но и од соседните општини Градско, Лозово и Чашка, беа гости. Тие имаа можност да се запознаат со образовниот процес во училиште, наставните капацитети.
„Целта е да се претставиме со нашите наставни, воннаставни, проектни активности, и тоа што се реалзира преку редовната настава. Тоа што сме го сработиел оваа учебна година, да го претствием пред учениците, колегите од другите основни училиошта, родителите, пред сите кои се заинтересирани образовниот процес да го продолжат во Гимназијата. Да видат на лице место како функционира училиштето. Задоволни сме од интересот, како денес ова функционира, бидејќи се што беше планирано се` се реализира. Дојдоа и сите поканети основни училишта“ – кажа Иле Попов, директор на Гимназијата.
Во дворот на училиштето беа поставени и претставени предметите кои се учат, секциите кои функционираат. Имаше и музички настап на учениците, со пригодни музички нумери, кои тие ги исполнија. Настанот траше два и пол часа, од 11 до 13,30ч.
