Паркирањето по велешките улици се најде денес како  проблем и советничко прашање, на денешната седница на Советот на Општина Велес. И Ружица Николовска и Марјан Николов го  актуелизираа овој проблем.

„Не велам дека имаме идеални улици за одвивање на непречен проток,  имаме зголемен број на возила, но  имаме несовесни возачи“ – кажа Николов.

Тој побара во утринските и попладневните часови, кога во близина на училиштата, кога родителите ги оставаат или земаат децата, сообраќајот да го регулира сообраќаец.

Градоначалникот Марко Колев одговори дека за паркирањето е надлежен СВР Велес, сообраќајната полиција и тој ќе побара средба со новиот командир на оваа служба,  Трајче Мечалов.

„Му честитам на новиот началник на оваа позиција и од ова место апелирам да постави ред, во возењето, паркирањето  и сообраќајната култура во градот.  Иако дел од сопствениците имаат гаражи, тие ги паркират на отворено, на улица. Наместо улиците да бидат место за разминување, станаа место за паркирање“ – кажа градоначлникот Колев.

Изминатите години сообраќајната култура падна на ниско ниво, посебно со паркирањето, кога возачите ги оставаат автомобилите по тротоари, на улица со трепкачи  и таа состојба само се продлабочува.

Поврзани »