Двајца починати од последици на ковид-19, во Болница се помалку слободни места

Петар Печков

Министерството за здравство информира, согласно податоците од Институтот за јавно здравје во последните 24 часа во велешко има 51 ново регистриран случај на ковид-19, а оздравени се 38 лица. Или активни се 799 случаи а досега биле заразени 4.779 лица.


Во велешка Болница вкупно се хоспитализирани 99 пациенти,  од кои 91 се потврдени позитивни, шест се  сомнителни  и двајца пациенти со негативен брис но задржани на болничко лекување. Дванаесет пациенти од Велес се на лекување во клиниките во Скопје.

 
„Почината е пациентка на 69 годишна возраст од Велес позитивна, лекувана осум  дена на Инфективно одделение. На кислородна поддршка се 49 пациенти. Испишани се четири  пациенти како оздравени  со по еден негативен тест“ - соопшти д-р Елеонора Јованова, портпарол на Општа Болница Велес.  Во Скопје на клиниките е починат пациент, велешанец,  позитивен на ковид-19, лице на возраст од  56 години.  Со ова бројката на починати пациенти од последиците на ковид-19 во велешко е 143 лица.

На Инфективно одделение исполнет е капацитетот од   54 кревети, на Интерно има  пет и во Модуларната болница има 40 пациенти.

Поради зголемениот број на  количества на кислородни боци, кои се доставуваат до Инфективното одделение и во Интерното,  Општинскиот кризен штаб донел одлука  вработените од ЈКП Дервен - Паркови и зеленило и комунална хигиена,  да помагаат во дотурот и дистрибуцијата на кислородни боци во велешка Болница соопшти денес градоначалникот Аце Коцевски. 

Поврзани »

Квалитет на воздухот во Велес

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали Општина Велес да се задолжи со 46 милиони денари, за да се изгради покриен Градски пазар?

  • да
  • не
Резултати