Дербито помеѓу ФК Големо Коњари и ФК Превалец без победник, ќареше лидерот ФК Борец

Петар Печков

Со победа од 5:3 на коло пред крајот КМФ Кеги моби го избегна разгирувањето за опстанок во Првата футсал  лига. Тие синоќа славеа над составот на КФМ Црна река од Кавадарци и остануваат на осмото место,  со доволно бодови разлика од претпоследниот КМФ Карадаку. Во последното коло, следниот викенд, играат со екипата на КМФ Клими во  Кавадарци, која е трето пласирана.

Во дербито на Третата фудбалска лига Југ, во прилепско Големо Коњари, истоимената екипа и ФК Превалец, кои се на делба на втората позиција, одиграа нерешено 2:2, резултат од кој најмногу ќари лидерот ФК Борец кој ова коло беше слободен. По ова ФК Борец и натаму е прв  со 30 бода, по одиграни 15 кола, а ФК Превалец и ФК Големо Коњари се на 2 и 3 место со по 27 бода. Во Градско ФК Локомотива продолжува со лоши резултати пролетва, загуби од ФК Слога од прилепско Лажани со убедливи  1:6 иако гостите беа седми од 11 екипи и останува поретпоследна на табелата. Во следното коло,  тешко гостување на ФК Борец кај четвропласираниот од табелата ФК Питу Гули во Крушево, ФК Превалец игра дома со ФК Младост од Кривогаштани, а ФК Локомотива игра соседско дерби во Росоман со истоимената екипа.

Во Втората женска фудбалска лигa ЖФК Борец  гостуваше кај второпласираниот тим на табелата ЖФК Вардар и загуби со 0:8. Во следното коло повторно гостува, овој пат во Кочани кај истоимената екипа, која е трето пласирана. Велешанки се 6 со 7 бода.Оваа лига брои осум екипи.

фото ФБ/ ФК Превалец

Поврзани »

Квалитет на воздухот во Велес


АНКЕТА »

Дали се согласувате улицата 8 Септември да биде пешачка зона oд Сармаале до Коњаникот?

  • Цел ден
  • Само во текот на летото во одреден дел од денот
Резултати