Општинската организација на Црвен крст ги награди волонтерите, за 5 декември Светскиот ден на волонтерите. Без нив оваа организација не ќе може да функционира, да помага на беспомошните, гладните, сиромашните, лицата во немоќ и несреќа. Наградата за животно дело ја доби д-р Јадранка Мишкова.

Таа низ годините наназад има одржано и бројни едукации за населението по прва помош, за да ги научи на оваа животно спасувачка вештина. Работела на едукации на здравствено-превентивната дејност. Била дел од  натпревари од прва помош, кој се организирале во Велес а не ретко била присутна и на државните.

„Желбата да се волонтира, да се помага, да се создаваат нови млади кои ќе помагаат на луѓето во неволја, од областа на прва помош, тоа беше движечката сила. Бев и во комисијата за дијабетес, организиравме настани за да ја подгинеме свеста за проблемите од неа и која таа ги носи. Така поминаа три децении и задволна сум од моето вложување“ – кажа д-р Мишкова.  Повеќе во разговорот во продолжение.

Признанието за најволонтер го доби Сара Јовческа, лидер на Клубот на млади во акција – промоција на хумани вредности, врснички едукатор, волонтер вклучена во многу активности на Црвениот крст.

Во текот на 2024 година младите волонтери на кои се темелат активносите на Црвениот крст  досега реализирале 102 активности, секој трет ден по една, при што сработиле-волонтирале 2.500 часови. Признанија добија: Никола Мацис, Матеја Матева, Баже Николов, Даниел Србов, Ана Марија Митева, Мартина Ѓорѓевиќ, Сара Ѓорѓиева, Сара Наумова и Филип Настов.

Благодарници за поддршката на активностите на ОО Црвен крст Велес за оваа 2024 година, добија: Балетско студио Анабела, Активот на жени пензионерки од Велес, Европската куќа Велес, Љубенка Ртовска, Дејан Перков, Лиле Настова, Ердован Етоски.

Годинава едуцирани биле околу илјада  ученици од основните и средни училишта во општината. Признанија добија: ОУ Васил Главинов, ОУ Св. Кирил и Методиј, ОУ Блаже Конески, ОУ Панко Брашнаров, ОУРЦ Маца Овчарова, Гимназија Кочо Рацин, Економското Јовче Тесличков, Хемиското Димитрија Чуповски, Коле Неделковски, ОУ Тодор Јанев од Чашка, ОУ Петар Поп Арсов од Богомила и ОУ Даме Груев од Градско.

ОО на Црвен крст не ги заборави и им даде признанија на волонтерите кои се грижеа за безбедноста на годишново издание на Вардарската регата. Благодарници добија: Ангел Костовски, Предраг Игевски, Благој Трајков, Коце Минов, Давид Ончев, Дарко Зафиров.

Поврзани »