Зрак, звучно списание за слепите лица

Никола Солев

Здружението на слепите лица од Велес го промовираше „Зрак“ првото звучно списание во Македонија наменето за оваа категорија лица со посебни потреби. Тоа е со едукатитивно – забавен карактер и освен велешките слепи лица тоа ќе го добиваат и останатите Здруженија во земјава. Списанието „Зрак“ ќе се дели бесплатно и ќе излегува еднаш месечно.    Пристапот до информации е еден од двата најголеми проблеми на слепите, по тој со движењето. Со овој проект делумно се нуди дел од решението за читање на овие лица.

- Во него ќе има содржини наменети за ова категорија лица, пред се за  технички помагала за слепите, светските чуда, кулинарски рецепти, хумор, спорт, мистерии. Ова списание е продолжение на едно слично кое излегуваше пред 10-тина години, но тогаш на аудио касети. Сега се прилагодивме на новите услови и новото време, тоа се печати на цд – изјави Тони Пајдаков секретар на Здружението на слепите лица во Велес при промоцијата на првиот број.

Тој потсети дека најдобро е за слепите лица е да се чита преку Брајово писмо. Тие ја имаат издадено и првата библиотека од 10 наслови, книги од македонски и светски автори, но за да продолжат со оваа дејност, единствени во Македонија, ќе им требаат околу седум илјади евра за  набавка на соодветен печатар. Здружението во Велес располага и со два компјутери наменети за слепите лица, на кој тие можат да работат.

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали имате доволно време да му посветите на Вашето дете/деца?

  • да, за нив секогаш имам време
  • имам многу обврски, тешко се наоѓа
Резултати