Дела на  академскиот уметник Спасе Перовски  се поставени во салата на Домот на културата „Крсте Петков Мисирков“ во Градско. Изложбата  насловена „Велес виа Градско“ е негова 11-та  самостојна ликовна изложба, која е  дел од свеченостите  на одбележувањето на Денот на Општина Градско.

Изложбата „Велес виа Градско“ е симболична, како селење од Велес кон Градско, оти секој ден патувам на релација Велес- Градско – Стоби и назад“. На изложбата имам дела од мојата прва самостојна изложба „Истражување на духот“ и од втората „Круг“  - вели авторот Перовски, кој е  директор на НУ „Стоби“.

На  изложбата авторот  се претставува со  15 слики масло на платно и комбинирани техники во различни димензии, изработени во неговиот ран творечки опус, од 2000 до 2008 година.

Поврзани »