Велешка пензионерка измамена за 2.700 евра, за да ја спаси ќерка си, која наводно сторила сообраќајка. За да не оди во затвор, непознати лица по телефон и абрале 50 илјади евра. И земале далеку помалку. Детатлите од информацијата на МВР.

 „Вчера 29 август во СВР Скопје Д.Г. (88 год) од Велес пријавила дека на 27.08.2025 година околу 10:00 часот на нејзиниот фиксен телефонски број добила повик од непознато машко лице кое ја известило дека нејзината ќерка наводно имала сообраќајна несреќа во која што како учесник прегазила четиригодишно дете и дека доколку сака да ја спаси од долгогодишна затворска казна треба да му даде 50.000 евра. Откако пријавителката рекла дека нема толку пари, односно дека има околу 2.700 евра добила „инструкции“ од лицето парите да ги донесе во Скопје во близина на Градската општа болница „Св. Наум Охридски“, што пријавителката и го сторила. Околу 11:50 часот пријавителката пристигнала во кругот на болница и по насоки на лицето кесата со парите ја оставила во една од кантите за отпадоци а потоа со автобус се вратила во Велес“ – соопштија од МВР.

Полицијата работи на расчистување на случајот. ТрМр дознава дека ова е четврти случај во Велес, трите биле неуспешни, аоговорниците не поверувале на телефонските повици за спас на близок, кој сторил сообраќајка, со смртни последици.  

Поврзани »