Командата за обука (КОД) со нов командант

Петар Печков

Командата за обука и доктрини (КОД) при АРСМ која работи во велешката касарна ,,Алексо Демниевски Бауман,, доби нов командант.   Должноста од досегашниот командант на КОД, полковник Љубенчо Петровски ја прими бригадниот генерал Методи Хаџи Јанев кој досега беше командант на Полкот за специјални операции.

На свеченоста присуствуваа: началникот на ГШ на Армијата, генерал-потполковник Васко Ѓурчиновски, заменик на началникот на ГШ на армијата, генерал-потполковник Азим Нуредин, командантот на Здружената оперативна команда, генерал-мајор Павле Арсоски, генерали во Армијата, дел од припадниците на Командата за обука и доктрини.

Началникот на ГШ на Армијата, генерал-потполковник Васко Ѓурчиновски во своето обраќање пред присутните на досегашниот Командант на КОД му се заблагодари за досегашната работа и пренесено искуство во единицата, а на новиот Командант му честита за новата должност со порака за успешна работа како и имплементирање на нови искуства во новата единица.

Досегашниот командант на КОД, полковник Љубенчо Петровски, во своето обраќање истакна дека е чест и задоволство да се биде Командант на Командата за обука и доктрини но и голем предизвик и одговорност. Исто така посочи дека во досегашната работа се раководел исклучиво според законите и прописите но со почитување на искуството од постарите и со идеите и креативноста на помладите генерации. На крај им заблагодари на припадниците на КОД за несебично вложениот труд за оваа единица.

Ново поставениот Командант на КОД, бригадниот генерал Методи Хаџи Јанев истакна дека е чест и задоволство да се биде Командант на единица од која произлегува кадар кој треба да биде столб на обуката во Армијата но и да придонесе во изградбата на борбената готовност на сите единици во нашата Армија. 

На крајот, од свеченоста следуваше церемонијалниот чин на примопредавање на военото знаме на Командата за обука и доктрини.

Поврзани »

Општина Велес субвенционира физички лица од подрачјето на Општина Велес за купен сончев термален и објавува

ЈАВЕН ПОВИК за субвенционирање на физички лица за купен сончев термален колектор за 2020 година Детали

Општина Велес субвенционира физички лица од подрачјето на Општина Велес за купен велосипед и објавува

ЈАВЕН ПОВИК за субвенционирање на физички лица за купен велосипед за 2020 година Детали

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како го минувате времето дома во полицискиот час?

  • гледам тв
  • гледам серии на интернет
  • слушам музика
  • читам книга
  • играм игри, карти
  • разговарам на телефон
Резултати