Локалната власт не сака да ја затвори Маслодајна, туку таа да работи по еколошки стандарди

Петар Печков

Локалната власт нема ништо против велешка Маслодајна, ниту сакаат таа да биде затворена, рекоа на денешната прес конференција градоначалникот и раководителот на службата за животна средина. 

Маслодајна не сакаме да се затвори, туку да работи по еколошки стандарди и да нема еко-хаварии - рече Коцевски. 

На прашањето дали  и како е предвидено решавање на еколошки проблем, што настанал во инсталацијата, која има дозвола за усогласување за „Б“,  откако од Маслодајна се жалеа дека никој не им кажал што треба и како да се постапи,  одговорот го даде раководителот на одделението за животна средина Билјана Манаскова Шуркова беше:

Во еден дел од оваа дозвола за усогласување има спречување и контрола  на хаварии. Со дозволата операторот е задолжен сите документи за спречување на хавариите   да ги изготви и ажурира на пет години од издавањето на дозволата за усогласување.  Ваков ажуриран план од страна на ПИ „Благој Ѓорев“ не е доставен. Со стариот план, вакви состојби не се предвидени   и нема.

Во однос на испуштањето на отпадните води во испусно -отпадниот канал , за што од Маслодајна чекаат одобрение Манаскова Шуркова објасни:

Маслодајна има процесни отпадни води и санитарни отпадни води, кои се како и на секое друга институција и домаќинство. Процесните отпадни води се испуштаат во т.н. топилничка канализација, кој нема оператор и со него управува општината.   Општина Велес презема активности овој канал да го предаде на ЈКП Дервен. ПИ Благој Ѓорев се обрати до нас , што да прави со кого да го склучи тој договор кога нема оператор. Има преодно решение за кое капацитетот е известен и не е коректно да се правдаат дека не знаат.

Раководителката Манаскова Шуркова одговори и за градежната дозвола, за тоа дека производителот нема доставено основен проект, додека од Маслодајна тврдат дека е доставен.

Лично се јавив кај проектантите Линеа доо и  бев информирана дека   основниот проект се наоѓа во Институтот за земјотресно инженерство и сеизмологија и досега воопшто не е доставен до Општина Велес. Таков документ нема добиено  одделението за урбанизам - кажа раководителката. 

Таа потенцираше дека освен овие два проекти, бунарска вода и отпадни води, во Маслодајна имало за решавање и други обврски  за да се добие „Б“ интегрирана дозвола. 

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали состојбата со ковид-19, го промени начинот на живот кај Вас?

  • да
  • не
Резултати