Најдобра песна на „Празник на липите 2015“, за Игор Крајчев

Петар Печков

На годинешното, деветнаесето по ред, издание на манифестацијата „Празник на липите“, која традиционално се одржува во Друштвото на писатели на Македонија, покрај наградите „Книжевно жезло“ за писателите Иван Чаповски и Николаи Дабижа, беше доделена и традиционалната награда за најдобра песна на манифестацијата „Празник на липите 2015“, која годинава ја доби поетот и писател,  велешанецот Игор Крајчев. 

Во конкуренција на 28 поети, селекторот Кочо Топузовски, одлучи токму песната на Игор Крајчев, насловена како „Човек со предрасуди“, да ја добие оваа награда. 

Наградата беше врачена на годинешното издание на манифестацијата „Празник на липите“, на Друштвото на писатели на Македонија.

 

 

ЧОВЕК СО ПРЕДРАСУДИ

 

Бев дете со предрасуди,

боев се’ во црно и бело,

и знаев - 

операта е долга,

а џезот досаден,

ние сме добри, а другите лоши

и сите реки течат само на југ...

Потем,

завртив неколкупати околу сонцето,

многу гледав 

и многу научив,

и гледав опера, 

и не ми беше долга,

и слушав џез, 

и се’ уште го слушам,

и видов наши лоши, 

и други кои се добри,

и многу реки кои не течат на југ...

Се прашувам, 

колку кругови се потребни

да се ослободам 

од предрасудите

на мојата сегашност...

Сега сум, 

човек со предрасуди, 

не сум веќе дете...

loading...

Поврзани »

loading...

Ронтис вработува 15 оператори

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

15 (петнаесет) Оператори во производство



АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали е потребно забрана за користење на мобилни на наставата во училиштата?

  • да
  • не
Резултати