Петар Печков
Објавено: четврток, 10 април 2025
Ноќеска е опожарена куќа во центарот на населба Градско, во која живеела една станарка. Пожарот е локализиран повредени лица нема. Детали од информацијата на Територијалната противпожарна единица од Велес, која го покрива и теренот во општина Чашка.
„На ден 10 април во 03:35 примена е дојава за запалена куќа на ул. Илинденска бр.8 во Градско. Територијалната Против Пожарна Единица Велес излезе на лице место со 2 противпожарни возила и шест пожарникари спасители. По пристигнување на лице место пожарот е затекнат во развиена фаза. Благодарение на брзата интервенција на колегите пожарот е за брзо ставен под контрола и целосно ликвидиран. Во акцијата нема повредени“ – соопштија од ТППЕ Велес.
Изгорен бил целосно таванот од куќата а пожарот бил локализиран во 6,15 ч. утрово.
