Петар Печков
Објавено: среда, 18 јануари 2017
Последното истражување кое го изврши „Центарот за граѓански комуникации“ од Скопје. е за индексот на активна транспарентност во 2016-та година. Истражувањето ги опфаќа сите 81-на општина во земјава, градот Скопје и 15 министерства. Локалната власт според рангирањето е втора, зад Крива Паланка.
Транспарентноста секогаш била една од главните карактеристики на Општина Велес. Овие бројки се доказ дека Општина Велес е многу над просекот и во врвот на транспарентноста во Македонија. Сепак, овие резултати не значат дека нема да се подобруваме, туку напратив во иднина ќе работиме на задржување на вака високото ниво на транспарентност, па и негово подобрување – изјави градоначалникот Славчо Чадиев.
Истражувањето покажало дека Општина Велес во 83,6 проценти ги извршува своите обврски кои ги има на полето на транспарентност, со што ја добива оценката многу добрa.
