Педесет слободни места за прва година на Техничко- технолошки факултет во Велес

Петар Печков

Во новата  наставна академска година, на есен на Техничко- технолошкиот Факултет во Велес ќе бидат запишани 40 редовни и 10 вонредни студенти.

Ова се бројките објавени во конкурсот за упис на бруцоши на единствениот факултет кој работи и постои со седиште  во Велес.

ТТФ е во рамките на Универзитетот Св. Климент Охридски од Битола. Според конкурсот  на отсекот прехранбена технологија и биотехнологија има  20 слободни места, исто толку на отсекот нутриционизам.

На овие две насоки ќе се запишат и по пет вонредни студенти. Наставата трае осум семестри. Партиципација за упис во прва година за редовните студенти е 200 евра а за вонредните 400 евра. 

Пријавување на кандидатите е од  27 до  31 август  и 1-ви септември, вториот уписен рок е на  14-ти  и 15-ти септември и третиот на 24т- септември.

Оваа бројка на студенти кои ќе бидат запишани во прва година од наставната 2020/21-ва година е иста како ланската, и истата е според    Одлуката на Владата за бројот на студенти за запишување во прва година - прв циклус студии на јавните високообразовни установи на Универзитетите во земјава. 

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали летово планирате да одите на одмор и ако одите каде?

  • да во Македонија
  • да во странство
  • не
Резултати