Петар Печков
Објавено: среда, 21 јануари 2026
Центарот за управување со кризи информира дека патниот правец кон село Раштани и Бузалково е непрооден. Мештаните од овие населени места кажуваат дека има наноси од снег, на одредени делници е смрзнат коловозот и мошне тешко е да се движат возила.
Проблеми вообичаено со снегот има и за Иванковци, каде патот исто така е подрмзнат, мештаните велат утрово немале струја.
Во Општина Чашка машините биле на терен, а сообраќајот на патниот правец Велес – Чашка се одвива отежнато.
Во општините Свети Николе и Лозово сите патни правци се проодни во зимски услови.
Утрово еден час беше затворен за сообраќај автопатот од Велес за Скопје, порада расчистување на снегот кај наплатна рампа Отовица.
