Денеска во спортско-рекреативниот центар „Хиподром“ се одржа 17-тото Армиско првенство во крос-кантри трчање.  Овој традиционален спортски настан е од отворен карактер, на кој покрај припадници на Армијата, учество земаат и врвни атлетичари од атлетските клубови.

Во машка конкуренција на  8000 метри третото место го освои професионалниот војник  велешанецот Трајче Илиевски. Подобри, побрзи од него беа на  првото место го професионалниот војник Милош Ранчич, второто место му припадна капетан Жан Тосев. На оваа трка учлестуваа и други велешани професионални војници, но тие не беа меѓу најдобрите. 

Победник на годинашниот Крос-кантри во женска конкуренција на патеката во должина од 4800 метри е наредник Марија Пеликон, второ место за капетан Дијана Лапевска и трето место за  капетан Христина Гиздовска. 

Екипно најдобри во женска конкуренција беа припадничките од Логистичка база, втори се пласираа припадничките од Баталјонот на специјални сили и трети од 1. пешадиска бригада. Екипно во машка конкуренција, припадниците на Баталјонот за почести го освоија првото место, второто место ѝ припадна на екипата од Командата за обука и доктрини, додека третото место го освои екипата на Баталјонот на специјални сили.
 
Првенството го отвори Елизабета Чупоска Ристова, државен секретар во Министерството за одбрана.

Поврзани »