Во Велешко лани намален бројот на пожари, граѓаните беа повеќе дома и се грижеа за имотот и домаќинствата

Петар Печков

Намален е бројот на интервенции кои противпожарната единица од Велес, го имала мината година, споредено со претходната. Лани велешките пожарникари имале  321 интервенција или за 30 помалку отколку во 2019-тата.  Тие покриваат подрачје на три општини, матичната Велес и соседните Чашка и Градско и во сите три има опаѓање.

Намалувањето на бројот на интервенции се должи на тоа што граѓаните поради ковид заразата беа повеќе дома, има можност да се грижат за имотот и домаќинствата. Влијание имаше и нашата едукација и кампањата за заштита од пожари - кажа Љупчо Лепидовски, командир на ТППЕ Велес.

Лани во Велес имало 296 интервенции, додека во 2019-та 303 а во 2018-та 239.  Најмногу, во 25 случаи опожарени површини со трева и дрвја, во  12 случаи интервенирале во пожари на куќи, во 15 на запалени оџаци и кровови, во исто толку  15 на опожарени возила а во четири случаи интервенирале  при  вадење лица од оштетени возила во сообраќајки, во пет влегувале во домови каде има починати лица. За разлика од 2019-тата кога во пожари починаа три лица, лани нема ниту еден.  

Намалување се бележи и во соседните општини. Во Чашка имале 18 интервенции наспроти 39 во 2019-та а во Градско седум наспроти девет во 2018-тата година.

Поврзани »

ОДДЕЛЕНИЕТО ЗА ГРОБНИ МЕСТА ПРЕСЕЛЕНО ВО ЗГРАДАТА НА ЈКП ДЕРВЕН

Ги известуваме граѓаните дека Одделението за гробишта е преместено од канцелариите на Сектор Комунална хигиена (кај Вардарска епархија) во Управната зграда на ЈКП Дервен (на влезот од Градскиот парк). Контакт телефонски број за ова одделение е 043 231 011, локал 189, така што за сите прашања поврзани со гробни места обратете се горенаведениот број или во Управната зграда на ЈКП Дервен, соба бр. 19.

Квалитет на воздухот во Велес

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали во Македонија треба да остане летно и зимско сметање на времето?

  • да
  • не
Резултати