НУ Стоби доби сто илјади евра 6.100.000 денaри,  од годишната програма за култура од Министерството за култура за оваа 2025 година. Во неа се вклучени шест проекти. Лани оваа установа за работа доби 3,75 милиони денари за 12 проекти.

„Лани установата доби најмалку  финансиска поддршка откако постои од 2008. Овде имаме објекти кои заслужуваат многу внимание и бараат многу средства за работа за да можат соодветно да бидат презентирани. Театарот го работиме од 2014 и секоја година средствата се намалуваат, па лани колегите работеа таму само 10-15 дена. Уште еден објект кој е единствен на Балканот, Градбата со арки со фантастична ѕидна и подна декорација, тотално е запоставен. Оваа година фокусот ќе биде на него“, кажа пред распределата на средствата  Силвана Блажевска, директорка на НУ Стоби.

Годинава НУ Стоби од областа на недвижното културно наследство, доби средства    за тековно одржување и партерно уредување на археолошкиот локалитет Стоби 1.300.000 денари, за конзервација, реставрација и археолошки доистражувања на Градбата со арки во Стоби - 2.000.000 денари, за конзервација, реставрација и реконструкција и археолошки доистражувања на објект Римски театар во Стоби - 2.000.000 денари,  лани 600.000 денари, за конзервација и доистражување на архитектонските остатоци од Резиденцијален и комерцијален кварт од рановизантиско Стоби - 700.000 денари

Средства се добиени и  за изработка на анекс на Основен проект за конзервациіа, реставрациjа, конструктивно зајакнување на објектот Стара железничка станица и негова адаптација во Центар за посетители во висина од  500.000 денари.

Од областа на музеjска деjност и заштита на нематеријално културно наследство,  НУ Стоби доби 100.000 денари за реализациjа на Основен проект за конзервација и реставрациjа на керамика и стакло од  нивната збирка.

Министерот за култура и туризам Зоран Љутков најави  зголемување на средствата за работа, но постепено.

„Многу е тешко кога со години опаѓале средствата за капитални инвестиции и проекти, за една година да се вратат на старите позиции. Театарот требаше да биде приоритет во санацијата и конзервацијата. Не само поради локалитетот, туку и од комерцијална причина.Таму со години се одржуваше театарскиот фестивал на античка драма Стоби. Годинава ќе имаме преоден буџет, но од 2026 очекувам сериозно зголемување на средствата за работа на Стоби“, кажа Љутков при неодамнешната посета на археолошкиот локалитет.

Поврзани »