Двајца државјани на Косово,  платија 800 евра глоба, откако во средата вечер, пред седум дена, беа уапсени како  не  го почитуваат полицискиот час, кој е во времетраење од 22 до 5 ч. наутро.

ОЈО Велес до Основен суд Велес поднел Обвинителен предлог против две лица, косовски државјани, за кривично дело – Непостапување според здравствените прописи за време на епидемија од член 206 од Кривичниот законик.

„Обвинетите на 17 март во 23:05 часот, за време на важечки полициски час, со автомобил се движеле по автопатот Е-75, па на наплатна станица Отовица биле сопрени и легитимирани од полициски службеници на СВР Велес“. соопштија од ОЈО Велес.

Тие од судот побарале и на обвинетите им била изречена казна во висина од 800 евра, која веднаш ја платиле.

Заклучно со 19-ти март, велешката полиција регистирала 11 непочитувања на полицискиот час во велешко.

Поврзани »