Две премиери на репертоарот на велешки киноверзум, Калас и Вистинска болка, како и двата големи хита Капетан Америка Храбар нов свет и Бриџит Џонс, луда по него.

Музичкиот „МAРИЈА“ е приказна за животот на оперскта дива Марија Калас. Бурна, убава и трагична приказна за животот на најголемата оперска пејачка, живеена и замислена во последните денови во Париз, во седумдесетите.

Драма „Вистинска болка“ Приказната ги следи братучедите Дејвид (Џеси Ајзенбер) и Бени (Киран Калкин) кои се обединуваат на патувањето низ Полска за да ѝ оддадат почит на саканата баба. Авантурата добива неочекуван тек кога старите напнатости помеѓу двајцата повторно излегуваат на површина, а во позадината на настаните е нивното семејно минато. 

Филмскиот хит, Храбар нов свет најгледаниот филм во светот изминатиот викенд, е четврто продолжение на Марвеловиот серијал Капетан Америка и воедно прв филм во кој титулата Капетан Америка ја презема Сем Вилсон (Ентони Мекки), познат како суперхеројот Фалкон. Стив Роџерс, поранешниот Капетан Америка, својата титула и легендарниот штит му ги остави на својот пријател и помошник на крајот на филмот Одмаздници: Завршница. Го замени Сем Вилсон, новопечениот Капетан Америка кој се обидува да се привикне на својата нова титула. По средбата со новоизбраниот претседател на САД, Тадеус Рос, кого во своето деби во филмскиот универзум на Марвел го глуми Харисон Форд, Сем ќе се најде среде меѓународен инцидент. Тој треба да ја открие причината за злокобниот глобален заговор пред вистинскиот мозок на операцијата да го натера целиот свет да „гледа црвено“.  

Најгледаниот филм во Британија и Ирска изминaтиот викенд, кој допрва ќе се прикажува во САД е  Бриџит Џонс, луда по него. Нашата омилена Бриџит сега е вдовица и самохрана мајка, балансирајќи помеѓу семејството, пријателите и (изненадување!) повторно Даниел. Со враќањето на работа и апликациите за запознавање, таа привлекува помлад обожавател – но дали вистинската романса може да биде нејзината следна шанса за љубов со… наставникот на нејзиниот син. Како сама жена која живее во Лондон, Бриџит Џонс на специфичен начин го запознала светот со своите романтични авантури, а нејзината способност да триумфира и покрај неволјите ја довело до тоа конечно да се омажи за врвниот адвокат Мар Дарси и да стане мајка на нивното дете. Конечно се среќни. 

Co по една кино претстава ќе се прикажуваат анимираните „Душичката Ели“, „Гарфилд“ и „Опаку наопаку 2“. 

Поврзани »