На неколку локации во Велес била реализирана превентивнa активност „Сите сме пешаци, бидете одговорни во сообраќајот“.

„Пешаците како активни учесници во сообраќајот  имаат обврска да ги почитуваат сообраќајните правила и прописи и улицата треба да ја преминуваат единствено на обележан пешачки премин, при тоа да не користат слушалки и мобилни телефони, да бидат внимателни, особено во вечерните часови кога се движат на неосветлени локации. Со почитување на препораките, пешаците ќе ја зголемат како својата, така и безбедноста на сите останати учесници во сообраќајот“- соопштија од МВР.

Во рамки на превентивната активност биле опфатени и возачите, на кои им била укажана потребата и обврската за почитување на сообраќајните правила, клучните фактори за безбедноста на најранливата категорија на учесници во сообраќајот-пешаците и особено повозрасните лица, со цел зголемување на безбедноста во сообраќајот.

„Целта на овие превентивно – едукативни активности беше да се влијае на зголемување на нивото на сообраќајната култура, но и зајакнување на довербата и соработката меѓу полицијата и граѓаните“ - дополнија од МВР.

На граѓаните им беа поделени и печатени едукативни материјали со препораки за безбедно учество во сообраќајот и зголемена будност и внимателност при преминувањето на улица од страна на пешаците , изработени од Републичкиот совет за безбедност на сообраќајот на патиштата.

Активноста е реализирана од отсекот за превенција при СВР Велес и Полициска станица  за безбедност на патниот сообраќај на ПС Велес.

Поврзани »