Приодот кон Езеро Младост за годинава остана најава

Петар Печков

   На почетокот од годинава, ЈП за државни  патишта најави дека езерото Младост ќе биде поврзано со автопатот Велес - Скопје. И тоа до почетокот на туристичката сезона.  Но надежите на туристички работници дека дел од гостите кои минуваат покрај Велес, ќе останат  покрај езерото летово пропаднаа. Ниту започна ниту се гради  приодниот пат до него.  Од ЈП за државни патишта објаснија зошто работите не започнаа иако беа најавени 

Од страна на ЈП за државни патишта изработена е техничката документација за трајна измена на режим на сообраќај за  приклучок од автопатската делница Велес-Скопје до локалниот пат до езерото Младост. Истата е во постапка на добивање на одобрение - изјавија од ЈП. Според најавите од  почетокот на годинава, освен што ќе беше изграден приоден пат, требаше да се асфалтира и приодниот од патниот правец на автопатот Скопје - Велес.  Во месец март, беше најавено дека наскоро ќе започнат работите и до почетокот на сезоната да бидат завршени. 

На овој начин  ќе беше премостен недостатокот на врска од автопатот кон езерото, кое е на дофат на илјадниците туристи, но не е достапно. Туристите  не можеа да го посетат, оти немаше приклучок, можеа само да го видат  и да  продолжат кон граница. Така само ќе минеа покрај него а со тоа и можноста за дополнителен економски ќар и за хотелиерите покрај езерото, но  и за државата

Изградба  на приоден пат   беше реакција  од повеќе субјекти,жителите од Месните заедници  Сујаклари, Мамутчево,Новачани, Отовица, како и  од Регионалната Про Кредит Академија, Хотелот Романтик, мотелот На Велешко, Бродот Панини, сопствениците на насадите со лозја М-шест и  Шапо сопот,  кои тоа писмено го бараа  од Министерството за транспорт и од ЈП за државни патишта. 

Во тек е изработка на техничко решение за трајна измена на режим на сообраќај за приклучок од автопатот Велес - Скопје со локалниот пат до езерото Младост. Во завршна фаза  е изработката на проектната документација и подготовката за отпочнување на  градежните работи. Очекуваме градежните активности да завршат во првата половина на оваа година - изјавија пред половина година од ЈП за државни патишта.

loading...

Поврзани »

loading...

Ронтис вработува техничар во оддел за одржување

Швајцарска мултинационална компанија активна во областа на фармацијата и производство на медицински помагала заради зголемување на својот постоечки капацитет има потреба да вработи: Техничар во оддел за одржување Детали

Ронтис вработува оператори во производство

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи: 10 (десет) Оператори во производство

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали користите велосипед во Велес?

  • да, често
  • за викенд рекреација
  • нема патека
  • Велес не е град за велосипед, има угорници
Резултати