Саниран е насипот на железничката пруга кој надојдената Маркова река го однесе на 2 април годинава. Така делницата од железничката пруга Драчево – Лисиче е повторно во функција. Досега железничкиот сообраќај се одвиваше преку станица Трубарево, што значеше подолго патување на патничките возови. 

Санацијата на пругата од утрово овозможува патничките возови за Битола, кои користат дизел локомотиви да сообраќаат преку Драчево - Лисиче  и да возат според возен ред. Додека патничките возови за Гевгелија, кој користат електричен погон, ќе возат преку Трубарево се уште бидејќи не е извршена санација на електричната мрежа, која исто така беше оштетена од најдодената река. 

Локалот од Скопје до Велес и обратно ќе сообраќа во зависост од тоа каква железничка композиција е на располагаање, дали дизел, кој ќе вози преку Драчево или електрична, која ќе сообраќа преку Трубарево. Во зависност од тоа ќе трае и должината на патувањето.

Директорот на МЖ Инфрастурура Ивановски најави дека летово ќе се врши реконструкција на пругата од Зелениково до Скопје каде возвите  сообраќаат со брзина од 20/30 км на час.

Поврзани »