Петар Печков
Објавено: среда, 24 септември 2025
Со изложба на дела од архитектот Петар Намичев, велешкиот Народен музеј ги одбележува Европските денови на кулутурното наследство. Темата годинава е архитектурата, па токму затоа поставена е изложбата „Велес на хартија, архитектонски портрети“, со дваесетина цртежи работени во туш на хартија. Преку нив се доловуваа што градот има како културно наследство и богатство, иако повеќето од куќите денес се во лоша состојба или се разрушени.
„Намичев е по професија архитект, предава на факултетот во Штип. Неговите родители потекнуваат од Велес, па затоа добро ја познава велешката архитектура. Неговата фасцинација од детството ја има преточено во овие дела кои се работени во периодот 2008-2010 година. Изложбата е веќе претставена во Велес, во Ликовен салон во 2010-та година. Авторот издвои 20-тина дела, селектираше по негов избор, и тие ги претставуваме на јавноста во градот“ – кажа Алесандара Гиовска, кустос историчар на уметност, од Народен музеј Велес.
