Такси превозот поскапи за 10 денари, иако истиот се применува уште од септември

Петар Печков

Советниците едногласно го потврдија барањето, такси превозот во Велес да поскапи. Се покачува стартот за 10 денари,  па така наместо почетни 40, новата цена е 50 денари. Останува цената од минат километар да биде 25 денари, која и досега беше во важност, но таксисти не ја применуваа. 

Но затоа стартните 50 денари, иако не одобрени од Советот ги наплатуваа уште од први септември.  Во вечерните часови цената е 60 денари која, таксистите ја наплатуваа од почетокот на септември а на оваа седница беше и официјализирана.  

Моменталната цена е мала за да се одржува возилото, да се заработи една плата.  Не погодува покачувањето на сите елементи кои влегуваат за една такси услуга, пред се цената на горивото. Теренот во градот е лош, улици не се санирани и се амортизираат возилата.  Зголемениот интензитет на сообраќајот, го зголемува времето на возењето, па патниците чекаат.  Не погодува и нелегалната конкуренција.   Имаме стари возила кои тешко се одржуваат. Такси превозот не е така исплатлив, па повеќе колеги заминаа од него, значи не носи толку пари, колку што граѓаните мислат. Механичарските работи поскапеа, се чека за поправка на возилата, има малку мајстори а многу работа  - рече Тони Јосифов, член на Здружението на велешките таксисти. Советниците пак побараа  почитување на законските обврски на таксистите пред се  вклучување на таксиметарот, тоа да не биде по барање на корисникот,  туку секојдневие на превозникот. 

Општинскиот сообраќајниот инспектор поголема контрола да врши над дивите таксисти. Но има и возила со лиценци, кои не смеат да учествуваат во сообраќајот а не да возат патници, толку се во лоша состојба. Потребни се засилени контроли, за да се подобри такси превозот - рече советникот Драган Димевски.   Проценките се дека во градот што легални, што диви има 200 таксисти.  Цената на такси превозот е непроменета од  април 2012-та година.

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како ќе ја помните годината зад нас, 2019-та?

  • ги помнам само убавите моменти
  • што поскоро да ја заборавам
  • постар/а сум за една година
  • имаше и убави и лоши работи
  • како и секоја друга
Резултати