На електронското јавно наддавање, скопската фирма „Луксор оптик“ доби да го работи Градскиот базен во Велес. Нивната понуда била  81.634 денари  месечно, за три месеци, јули, август и септември, според јавниот повик. За останатите девет месеци надоместокот е по 3.000 денари месечно. Ова е одгворот од локалната власт на поставеното прашање од ТрМр.  Луксор оптик бил единствен пријавен за јавниот повик, за електронско наддавање. Договорот е потпишан во петокот, со што објекот е веќе во владение на закупецот. Тој ќе работи со него следните пет години.

Почетната цена на месечната закупнина изнесуваше 116.620,00 денари без ДДВ, утврдена како 0,5% од проценетата вредност на недвижната ствар, согласно Методологијата за процена на пазарната вредност на недвижен имот, донесена врз основа на Законот за процена.

Во јавниот повик е прецизиран начинот како се постигнува цената.

„Доколку во првите пет минути од јавното наддавање не е прифатена понудата, односно не е дадена повисока понуда од учесникот на јавното наддавање, вредноста на закупнината на недвижната ствар се намалува за 2%. Доколку во времетраење од пет минути повторно нема понуда, вредноста на закупнината на недвижната ствар повторно се намалува за 2% од првичната проценета вредност. Намалувањето на вредноста на закупнината на недвижната ствар во текот на наддавањето, доколку станува збор за објава по првпат може да биде најмногу до 30% од проценетата вредност без разлика колку понудувачи се јавиле на јавното наддавање“ – пишува во објавата.

Поврзани »