Градоначалникот се извини за пожарот на депонијата за смет, поради која Велес се гушеше во чад а неколку дена не се собираше сметот од домаќинствата

Петар Печков

Градоначалникот Аце Коцевски се извини што  одреден период од месец август,  не се собираше отпадот во Велес,  но и за пожарот на депонијата за смет, поради која велешани два дена се гушеа во чад.  

 „Би сакал во име на ЈКП Дервен и мое име, да се извинам на граѓаните и правните субјекти за нередовното празнење на контејнерите со смет и заради настанатиот пожар на депонијата за комунален отпад, поради што дојде до нарушување на квалитетот на воздухот во градот, со ПМ 10 честички“ - кажа градоначалникот на Велес, Аце Коцевски.

Тој објасни дека неколку дена не се собирал сметот во градот а како причина го наведе  пожарот на депонијата. Поради него вработените од комунална хигиена, биле ангажирани  за гаснење на пожарот и физички не можеле да работат две работи.  Згора на тоа имало лица кои биле на одмор а некои поради топлотниот бран биле ослободени од работа.  

Последен пат депонијата горела на 20-ти август 2018-та. Таа е нестандардна и при опожарување огнот подолго трае.  Таа изминатите денови гореше во неколку наврати, прво на 27-јули, па на 3-ти август повторно. Согласно обврските наложени од Државниот инспекторат за животна средина, таму сега има 24 часовен надзор  а на ЈКП Дервен е изречена парична казна од три илјади  евра. 

Поврзани »

Квалитет на воздухот во Велес

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали ќе гласате на локалните избори, закажани за 17-ти октомври?

  • да
  • не
  • уште не сум одлучил/а
Резултати