Игор Иванов, фудбалски судија од Првата лига беше најумешен и го фати крстот на Водици во Велес (видео). Крстот беше положен во водите на реката Вардар  од Мало мовче, со чинот на кој чиноначалствуваше Владиката Агатангел. Иванов скокна по 13 пат и за прв пат успеа да го фати крстот. 

„Да се сакаме, да се почитуваме, да веруваме во Бога, за многу години денот на сите граѓани“ – кажа Иванов, кој има 33 години.   

Тој е од населба Превалец, семеен човек, кому на Божик му се родила ќерка, која го добила името Христина. Тоа е трета рожба во семјеството, по синот пак е крстен Стефан, додека ќерката е Исидора. Игор е во брак со сопругата Елена.

Годинава по крстот беа пријавени и скокнаа 104 лица. Игор со тајфата има можност следните 40 дена да ги посетува домовите на велешани и околината и да биде даруван од домаќините. Митрополитот на Повардарската Епархија, Владиката Агатенгел на Иванов  му даруваше  златно крвче, Библија и железен крст, со кој во следните  40 дена, ќе може да  ги посетува домовите  на  велешани, но и околните населени места. Годинашен кум на празникот Богојавление беше градоначалникот на Општина Велес Марко Колев со семејството.

Д-р Славица Нешова Пановски од дежурната екипа на службата за Итна помош, кажа дека немале интервенции кај лицата кои се пријавиле за фаќање на крстот.

Поврзани »