Три филмски премиери наредните седум дена на репертоарот на Киноверзум Велес.

Првата е за македонскиот игран филм „Утре наутро“ на Јани Бојаџи.  Две жени, млада докторка и сопруга на поранешен премиер, се обидуваат да избегаат од стегите на американската влада и европските дипломати, кои ја играат својата игра на моќ и тортура во мала земја во Источна Европа. Инспириран од вистински настани што го обележаа 27 април 2017 година – ден што засекогаш ја смени нашата современа историја. Судир меѓу идеалите и реалноста; границата помеѓу вистината, лагата и совеста.  


Втората премиера е на мјузиклот „Злобница втор дел“ со Аријана Гранде, Синтија Ериво и Џеф Голдбрлум.  Ја следи Елфаба, идната Зла Вештерка на Западот и нејзината поврзаност со Глинда, Добрата Вештерка на Северот. Вториот дел од дводелната долгометражна адаптација на бродвејскиот мјузикл. Елфаба (Синтија Ериво), сега демонизирана како Злобната вештерка на Западот, живее во егзил, скриена во шумата додека ја продолжува својата борба за слобода за замолчените животни од Оз и очајно се обидува да ја открие вистината што ја знае за Волшебникот (Џеф Голдблум). Во тој период, Глинда станува гламурозен симбол на добрина во целиот Оз, живеејќи во палата во Смарагдниот град и уживајќи во благодетите на славата и популарноста. Според упатствата на госпоѓа Морибл (добитничката на Оскар, Мишел Џео), Глинда е задолжена да служи како блескава утеха за Оз, уверувајќи ги масите дека сè е совршено под власта на Волшебникот. Додека славата на Глинда расте и таа се подготвува да се омажи за принцот Фиоре (добитник на наградата Оливија и номиниран за наградите Еми и САГ, Џонатан Бејли) на спектакуларна свадба во Оз, таа е прогонувана од разделбата со Елфаба. Таа се обидува да посредува во помирување помеѓу Елфаба и Волшебникот, но овие напори не успеваат, терајќи ги Елфаба и Глинда уште повеќе да се оддалечат. Последователните превирања засекогаш ќе ги променат Бок (номиниран за наградата Тони, Итан Слејтер) и Фиџер и ќе ја загрозат безбедноста на сестрата на Елфаба, Несароза (Мариса Боде), кога девојка од Канзас ќе влезе во нивните животи. Додека лутата толпа се крева против Злобната вештерка, Глинда и Елфаба ќе мора да се здружат, уште еден последен пат. Со нивното уникатно пријателство сега како основа на нивната иднина, тие ќе мора навистина да се гледаат еден со друг, со искреност и емпатија, ако сакаат да се променат себеси и целиот Оз, засекогаш.

Третата премеира е за акцијата –трилер, Мајстори на илузијата, ме гледаш, не ме гледаш. Тој минатата седмциа имаше светска премеира и бешпе на врвот по гледаност во кината во САД и Европа.  Четворицата Јавачи се враќаат со уште посложени илузии, нови лица и неверојатни трикови што ја бришат границата меѓу вистината и измамата. Со врвен актерски состав и непредвидливи изненадувања, подгответе се за магија каква што не сте виделе досега!

Поврзани »