Поради присуство на вирус кај пастрмката во Бабуна, не се пориби оваа река

Петар Печков

Присуството  на вирусно заболување кај пастрмките во река Бабуна беше причината зошто не се изврши порибување на оваа река, на истекот од мината година. Ова е информацијата од Агенцијата за храна и ветеринарство (АХВ), откако во средата пред Нова година, Здружението на спортски риболовци „Бабуна “од Велес, објави дека порибени се езерото Младост, реките Тополка и Вардар, но не и реката Бабуна, поради препорака од страна на  АХВ.

Заради потврдено присуство на причинителот на болеста инфективна хематопоетска некроза (ИХН) кај пастрмките а со цел спречување на ширењето на болеста  и во други одгледувалишта на риби, Агенцијата за храна и ветеринарство (АХВ) издаде решение со кое нареди спроведување на заштитни  и контролни мерки,  ограничување на движењето и ставањето во промет на животните од аквакултурата. Сите одгледувалишта каде е потврдено присуството на болеста ИХН кај пастрмките, се прогласени за заразени и се категоризираат во категорија  V, со високо ниво на ризик. Болеста инфективна хематопоетска некроза кај пастрмките претставува вирусно заболување, но не е зооноза, односно, не е опасна по здравјето луѓето - соопштија од Агенцијата за храна  и ветерина.

Дополнија дека спроведувањето на активностите за порибување на река Бабуна е во надлежност на Министерството за земјоделство, шумарство и водостопанство, но, поради појавата на оваа болест, Агенцијата за храна и ветеринарство издала препорака порибувањето да не се спроведува.  Затоа количините на пастрмка со тежина до 70 грама,  што беа предвидени за река Бабуна, ЗСР „Бабуна“ ги  пушти во река Тополка.

Поврзани »

Квалитет на воздухот во Велес

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали Општина Велес да се задолжи со 46 милиони денари, за да се изгради покриен Градски пазар?

  • да
  • не
Резултати