Лицата со попречености наидуваат на секојдневни пречки во животот а реагираат дека надлежните институции не ги слушаат нивните реакции. Затоа тие бараат промена на законската регулатива, подобар пристап до здравствените услуги од постојниот кој е надминат или стар.

Потребно е Законот да се моделира според потребите на овие лица, пропишаните ортопедски помагала не одговараат на потребите, потребно е бидат бесплатни, обновата на покус временски рок, не се сите лица исти и не можат да користат иста инвалидска количка. Со серија трибини, граѓанските здруженија, сакаат да свртат вниамнието на Законот за здравствена заштита, за подобрување на условите при лечењето или за состојбата во која се наоѓаат како пациенти.

„Направени се промени, но потребни се уште многу. Потребно е докторите од примарната, секундарната и терцијарната заштита да имаат поголема едукација за пациентите- лица со попреченост.Пред се матичните, стоматолозите, гинеколозите. Потребна е поголема опфатност, повеќе услуги со бесплатно здравство. Здравствените установи често не се физички достапни за овие лица, стоматолозите немаат адаптирани столови за да може да ги користат лицата со попреченост, гинеколошките столови, мамографите. Кога лице со попреченост ќе дојде на било кој лекар, да биде пуштено на преглед од останатите пациенти не да чека во чекална“ – кажа Далиборка Златева претседател на Здружение на лица со церебрална парализа и други попречености.

Присутните можеа да слушнат изворно искуства, проблеми на родители на лица со атипичен развој. Родител зборуваше за добивање и користење на инвалидска количка.

„За набавка на инвалидска количка добиваме 35.000 денари од Фондот за здравство. Тоа е вредност од пред пет –шест години. Денес таа сума е далеку надмината и ако сакаме да набавиме нова, современа, мораме да доплатиме од 30 илјади денари па нагоре“

Во друг случај беше посочена набавката на слушен апарат.

„Бесплатно добиваме апарат, кои се послаб кавалитет. За синот набавивме поквалитени кои овозможија да го врати говорот. Нив ги набавуваме на сопствен трошок. За жал со петипол илајди денари помош за лица со попреченост, колку можеме да набавиме. Ако не сме ние
родителите, тие не се во можност за живот. Така што фондот треба и оваа помош да ја зголеми“

Трибината е дел од проектот „Соочување со предизвиците и стигматизација, од областа на
здравствената заштита“ финансиран од МЦМС и Швајцарската агенција за обнова и развој.

„Приватното здравство апелира, државата да обрне поголемо внимание, да си изградат повеќе пристапни рампи, да се променат законите, да се излезе во пресрет на барањат и потребите Така ќе покажеме поголема свест како друштво, кон лицата со попреченост“ – рече
д-р Лили Чолакова Дервишова, претседател на Здружението на приватни доктори.

Поврзани »