Верижен судир близу Градско, учествувало и возило на Итната помош

Петар Печков

Вчера, четврток попладне, на автопатот Неготино -Градско, се случила верижна сообраќајка, во која учествувале четири возила, меѓу нив и неготинска Итна помош и има тројца повредени.

На 28-ми ноември  во 14.50 часот било пријавено дека на автопатот Неготино - Градско, патничко возило „фолксваген пасат“, со битолски регистарски ознаки, управувано од Г.Д.(36) од Битола, удрило во заштитна ограда и се превртело на коловозот. Во незгодата возачот и сопатникот С.С.(34) се здобиле со тешки телесни повреди. Потоа, во паркираното возило на ЈЗУ Здравствен дом Неготино, кое дошло на местото на незгодата, удрило возило „фиат фиорино“, со скопски регистарски ознаки, управувано од И.М.(26) од Скопје, а потоа во него удрило возило „киа рио“, со струшки регистарски ознаки, управувано од Р.Ј.(39) од Скопје. Притоа со повреди се здобил И.М.- изјави портпаролот на СВР Велес, Верољуб Додевски.  

Од ЈЗУ Општа Болница Велес, вчера по сообраќајката изјавија дека  кај нив биле донесени тројцата повредени во сообраќајката на автопатот Неготино- Градско. Полесно повредениот И.М. од Скопје е пуштен на домашно лекување, а двајцата потешко повредени Г.Д. и С.С. од Битола се задржани во Велешката болница. Едниот од нив  има скршеница на потколеницата, а другиот две скршени ребра и стапало на левата нога.

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како ќе ја помните годината зад нас, 2019-та?

  • ги помнам само убавите моменти
  • што поскоро да ја заборавам
  • постар/а сум за една година
  • имаше и убави и лоши работи
  • како и секоја друга
Резултати