Апелациониот суд Скопје ја зголеми казната затвор за кавадарчанката Марина Бошкова (53 год) на 15 години, откако во Основен суд Велес беше  осудена на 10 години затвор. Таа беше  обвинета за убиството поради семејно насилство, над Илија Милошевски (71 год) од Кавадарци, кое се случи на 6 септември 2022 година во Кавадарци. 

Марина била во домот на Илија  во Кавадарци, со кого била во љубовна врска, и по вербална расправија, настанала меѓусебна физичка пресметка, во која осомничената со остар предмет му нанела повреди а потоа истурила течност врз телото, го запалила и го напуштила местото. Телото на починатиот беше пронајдено неколку дена подоцна,  на 8 септември.

Обвинетата целосно го признала делото пред обвинител од ОЈО Кавадарци, како што е опишано во обвинителниот акт и детално ја опишала динамиката на настаните а записникот своерачно го потпишала. Извештајот од мобилниот оператор покажува дека обвинетата на 6 септември лани  во критичниот период од 14,30 до 15,30ч, била во близина на базна станица на мобилен оператор, кој лоцира дека е во близина на домот на убиениот.

Од доказите не може да се заклучи дека обвинетата го сторила делото во нужна одбрана, бидејќи по неколкуте убоди партнерот паднал на земја, таа продолжила  да му нанесува нови. Според психијатриското  сведочењето на вештото лице ова било убиство од миг или стеснета свест.

Отежнителна околност е што обвинетата, откако партнерот  физички ја нападнал, во првите моменти му нанела неколку убоди и тој паднал, таа продолжила  да му нанесува повреди со ножот. Олеснителна околност е што таа пред да се случи убиството, била физички малтретирана.

Обвиената Бошкова негираше дека го сторила делото. За одбраната не постои цврст материјален доказ, оти на ножот кој е пронајден на местото на настанот и со кој е извршено делото, нема траги од обвинетата туку од убиениот Илија и од непознато машко лице.

Поврзани »