Пoпладневo  изгоре  куќа  во стариот дел  нa   Велес,  под  Којник,  близу  скривниците  кај  Теќе,  на ул. Петар Делјан бр.3. Во  огнот кој  го зафати  кровот  од двокатната куќа, уништен  е  горниот кат  и  кровот  а  од  водата  со  која  се гаснеше  пламенот,  уништен е  долниот кат, приземјето.  Во  куќата живееле две  семејства.  Огнот  бил  локализиран  за еден  час,  со  интервенција  на  велешките пожарникари. 

„Повикот  е  примен во 16 ч.  локализиран  во 17ч. Во  гаснењето  учествуваа  девет пожарникари и  три  возила  Не  длозволивме  огнот  да се прошири кон соседните куќи“  -  кажа  Димче Јованов   командир на вод  во ТППЕ   Велес.

Покрај   брзата  интеревенција на пожарникарите помагале и  соседите.

„Веднаш кога  го видовме  огнот истрчавме  и почнавме да  гаснеме,  но  црева немаме.  Кој  колку  можеше помагаше. Пожарникарите  брзо  дојдоа. Но  немаше од Електро  Велес  кој   да ја  исклучи струјата и тие го  гаснеа огнот под напон. Дури еден  момент   таму нешто пукна а  тие беа на кровот. Немале дежурни електричари  па од дома  ги викале  за  интервенција.  Но  пожарникарите не можеа  да  седат  и да  гледаат како  куќата  гори,   па  веднаш пријдоа на  гаснење“ – велат очевидци и соседи.

Од  службата  за  Итна  помош,  д-р  Славица  Нешова Пановски,  кажа дека  не  е побара интервенција  од  лекар  за  повредени  од  пожарот.

Поврзани »